Gwasanaethau A-Y

Nawdd Chwaraeon

Fel rhan o'n hymroddiad i sicrhau y rhoddir pob cyfle i athletwyr ifainc dawnus symud ymlaen yn eu dewis chwaraeon, mae gan Adran Hamdden Wrecsam ddau gynllun a all helpu.

Nawdd Chwaraeon
Cerdyn Aur Gogledd Cymru

Nawdd Chwaraeon

Gall unigolion ifainc dawnus ymgeisio am grantiau unigol i'w helpu gyda'u treuliau.

Lawrlwytho'r Ffurflen Gais

MEINI PRAWF NAWDD CHWARAEON

Dylai ceisiadau fod mewn perthynas ag unigolion yn hytrach na grwpiau.
O ddewis, dylai ymgeiswyr fod dan 25 oed, mewn addysg neu hyfforddiant llawn amser.
Dylai ymgeiswyr fyw yn Sir Wrecsam neu dylai fod ganddynt gysylltiadau â'r ardal.
Dylai ymgeiswyr llwyddiannus fod yn barod i fynd i ddigwyddiad a drefnir gan Gyngor Bwrdeistref Sirol Wrecsam unwaith y flwyddyn a thelir treuliau rhesymol am hyn.
Mae'r Cyngor yn cadw'r hawl i gysylltu ag unrhyw sefydliad lleol neu genedlaethol mewn cysylltiad â chais.
Dylai ymgeiswyr fod yn athletwyr o safon sirol, cenedlaethol neu ryngwladol neu dylid ystyried eu bod â'r potensial i gyrraedd y safonau hyn.

Ffurflen Gais Nawdd Chwaraeon

Mae'r ffurflen gais ar gael ar y ffurfiau canlynol:

Ffurflen Gais Nawdd Chwaraeon - Fersiwn Word 51Kb

Ffurflen Gais Nawdd Chwaraeon - Fersiwn PDF 95Kb

Ffurflen Gais Nawdd Chwaraeon - Testun Plaen 138Kb

I weld ac argraffu ffeiliau pdf, rhaid i chi osod Adobe® Acrobat® Reader: cliciwch y logo isod i ddadlwytho'r meddalwedd.

Gellir newid dogfennau Adobe Acrobat yn ôl i destun plaen trwy ddefnyddio'r Accessible Adobe® Reader.

Cerdyn Aur Gogledd Cymru

Lawrlwytho'r Ffurflen Gais

Mae Cerdyn Aur Gogledd Cymru yn rhoi cymorth i bobl chwaraeon talentog yng Ngogledd Cymru sy’n cynrychioli Cymru yn eu chwaraeon. Mae’r cynllun yn cynnig mynediad i gyfleusterau hamdden awdurdod lleol at ddibenion hyfforddi o fewn Sir Fôn, Conwy, Sir Ddinbych, Sir Y Fflint, Gwynedd a Wrecsam. Mae trefniadau arbennig hefyd yn bodoli mewn sefydliadau eraill gan gynnwys Colegau, Prifysgolion a Chlybiau Golff.

Beth yw manteision meddu ar Gerdyn Aur Gogledd Cymrun?

Mynediad am ddim i gyfleusterau Canolfannau Hamdden chwe Cyngor Sir Gogledd Cymru.
Mynediad am ddim i gyfleusterau hamdden Prifysgolion a Cholegau Gogledd Cymru.
Pan fyddwch yn cynhyrchu rhaglen hyfforddi ddilys (wedi’i lofnodi gan Swyddog o’r Corff Llywodraethu Cenedlaethol) byddwch yn cael mynediad i’r gweithgareddau canlynol -
- Nofio
- Ystafelloedd Ffitrwydd/Ystafelloedd Pwysau
- Dosbarthiadau Ffitrwydd
- Traciau Athletau Awyr Agored
- Gweithgaredd sy’n gysylltiedig yn uniongyrchol â’ch chwaraeon (e.e. chwaraewr sboncen = Cyrtiau Sboncen)
Mynediad am ddim i Ganolfan Athletau Dan Do Gogledd Cymru yng Ngholeg Glannau Dyfrdwy i bobl sy’n meddu ar gerdyn aur ac sy’n cystadlu mewn athletau.
Mynediad am ddim i rai Clybiau Golff i golffwyr elitaidd
Gweithdai ffordd o fyw am ddim a gostyngiadau gan rai cyflenwyr offer a dillad.

Beth yw'r meini prawf cymhwyster?

Mae’n rhaid i ymgeiswyr fyw yn un o chwe sir Gogledd Cymru (Sir Fôn, Conwy, Sir Ddinbych, Sir y Fflint, Gwynedd neu Wrecsam).
Mae’n rhaid i ymgeiswyr fod yn aelod cyfredol o SGWAD GENEDLAETHOL Corff Llywodraethu Chwaraeon Cymraeg. Mae’n rhaid cefnogi hyn drwy ddarparu copïau o lythyrau yn eich gwahodd i ymuno â’r sgwad.
Mae’n rhaid i ymgeiswyr nad oes gan eu chwaraeon gystadlaethau rhyngwladol a/neu sy’n cystadlu fel unigolyn, fod wedi gorffen yn gyntaf, ail neu’n drydydd mewn pencampwriaeth Cymraeg, wedi’i drefnu gan gorff llywodraethu cenedlaethol y chwaraeon (O.N. Nid cystadlaethau’r Urdd na chystadlaethau ysgolion cenedlaethol) yn ystod y 12 mis diwethaf.
Mae’n rhaid i golffwyr talentog fod yn aelod cyfredol o Sgwad Cenedlaethol Undeb Golff Cymru i gael mynediad i glybiau golff. (Rhaid iddynt hefyd fod yn aelod o unrhyw Glwb Golff yng Ngogledd Cymru).
Mae’n rhaid bod corff llywodraethu eich chwaraeon yn cael ei gydnabod gan Gyngor Chwaraeon Cymru.

Beth yw'r broses o wneud cais?

Gwiriwch y canllawiau hyn i sicrhau eich bod yn bodloni’r meini prawf.

Llenwch y ffurflen gais atodol.
Mae’n rhaid i’r ffurflen gais gael ei llofnodi gan y Swyddog Datblygu Rhanbarthol NEU gan Swyddog Datblygu Chwaraeon Penodol Corff Llywodraethu Cenedlaethol eich chwaraeon (NGB).
Mae’n rhaid i chi anfon y canlynol efo’ch ffurflen gais –
- Copïau o lythyrau yn eich gwahodd i ymuno â sgwad NEU dystiolaeth gefnogol eraill o’ch cyraeddiadau.
- Dau lun pasport.
- Siec am £5.00. Sieciau’n daliadwy i’r sefydliad a enwir yn y pecyn.
Dylai’r ffurflen gael ei hanfon at y Swyddog Datblygu Chwaraeon yn y cyfeiriad a ddarperir yn y pecyn.
Bydd ceisiadau sydd heb gael eu llenwi’n iawn yn cael eu hanfon yn ôl atoch er mwyn i chi allu darparu’r wybodaeth i gyd.
Gall gymryd hyd at un mis i brosesu cais.
Os bydd y meini prawf perthnasol yn cael eu bodloni, bydd cerdyn yn cael ei gyhoeddi.

Beth yw'r telerau a'r amodau?

Mae’n rhaid i ddeilydd y cerdyn gydymffurfio â’r rheolau a’r rheoliadau sy’n gysylltiedig â defnyddio’r cyfleusterau. Os bydd cerdyn yn cael ei gamddefnyddio, bydd yr awdurdod lleol yn cadw’r hawl i dynnu’r Cerdyn Aur Gogledd Cymru yn ôl.
Ni ellir trosglwyddo’r cerdyn hwn.
Mae’n rhaid i’r cerdyn aelodaeth gael ei gyflwyno i’r dderbynfa bob tro y bydd deilydd y cerdyn yn ei ddefnyddio, neu bydd rhaid i’r deilydd dalu’r ffi lawn.
Dim ond at ddibenion hyfforddi y gellir defnyddio’r cerdyn. Ni ddylid defnyddio’r cerdyn ar gyfer canolfannau datblygu/rhagoriaeth, sgwadiau neu hyfforddiant sefydliad preifat i leihau’r costau i eraill neu ble mae’n rhaid talu hyfforddwr preifat.
Dim ond un archeb ymlaen llaw y gellir ei wneud yr wythnos ar gyfer cyfleusterau y mae’n rhaid eu harchebu. Fel arall, gall deilydd y cerdyn archebu’r cyfleuster 24 awr ymlaen llaw neu alw draw gan obeithio bod y cyfleuster ar gael. Gellir defnyddio pob cyfleuster arall yn ystod yr oriau agor.
Gall rhai cyfleusterau ofyn am hyd at 75% o gyfanswm cost cwrt (e.e. sboncen neu fadminton) gan bartner(iaid) hyfforddi deilydd y cerdyn aur.
Mae’r cerdyn yn ddilys am 12 mis o’r dyddiad y caiff ei gyhoeddi. I wneud ail gais, bydd rhaid dychwelyd y cerdyn efo ffurflen werthuso wedi’i llenwi yn ogystal â ffurflen gais newydd.

Telerau ac Amodau i olffwyr

Rhaid i olffwyr fod yn aelod o un o Glybiau Golff Gogledd Cymru.
Mae’r Clwb Golff yn cadw’r hawl i gadarnhau eich bod yn aelod o un o Glybiau Golff Gogledd Cymru.
Mae’n rhaid cysylltu efo Unigolyn Proffesiynol/Ysgrifennydd y Clwb Golff cyn ymweliad cyntaf deilydd y cerdyn.
Mae’n rhaid cysylltu efo unigolyn Proffesiynol/Ysgrifennydd y clwb golff cyn pob ymweliad er mwyn gwneud yn siŵr bod y cyfleusterau ar gael.
Mae’r Clwb Golff yn cadw’r hawl i wrthod mynediad os yw’r system yn cael ei chamddefnyddio neu os nad yw rheolau’r clwb yn cael eu parchu.

Cyfyngiadau

Mae cyfyngiadau o ran oed yn berthnasol ar gyfer rhai cyfleusterau / gweithgareddau. Bydd rhaid i ddeiliaid cardiau gadarnhau hyn cyn iddynt ddefnyddio’r cyfleusterau.
Bydd rhaid i ddeiliaid cardiau gael sesiwn gyflwyno ar gyfer rhai cyfleusterau e.e. Ystafelloedd Ffitrwydd. Efallai y bydd rhaid i chi dalu am y gwasanaeth hwn.
Efallai na fyddwch yn gallu cael mynediad i rai dosbarthiadau ffitrwydd oherwydd mai nifer cyfyng o leoedd sydd ar gael, neu os yw’r dosbarthiadau hyn yn cael eu cynnal fel rhan o gwrs.
Caniateir pob archeb ar ddisgresiwn rheolwr/aig y ganolfan

Mae’r awdurdod lleol yn cadw’r hawl i ymgynghori ag unrhyw sefydliad, naill ai’n lleol neu’n genedlaethol, mewn perthynas â’r cais hwn er mwyn asesu cynnydd a statws cystadlu cyfredol yr ymgeisydd.

Mae’r awdurdod lleol yn cadw’r hawl i wrthod clustnodi Cerdyn Aur Gogledd Cymru.

Ffurflen Gais Cerdyn Aur Gogledd Cymru

Ffurflen Gais Cerdyn Aur Gogledd Cymru - Fersiwn Word 513Kb

Ffurflen Gais Cerdyn Aur Gogledd Cymru - Fersiwn PDF 179Kb

Rhaglen Hyfforddi Athletwyr

Rhaglen Hyfforddi Athletwyr - Fersiwn Word 15Mb

Rhaglen Hyfforddi Athletwyr - Fersiwn PDF 88Kb

Ffurflen Werthuso

Ffurflen Werthuso - Fersiwn Word 15Mb

Ffurflen Werthuso - Fersiwn PDF 176Kb

Canllawiau

Canllawiau - Fersiwn Word 15Mb